Velkomin (n) á egER.is ..

Ég bið þig hjartanlega velkomin (n) á vefsíðuna mína.   Á þessari vefsíðu eru upplýsingar um þá hug- og heilsurækt sem ég hef uppá að bjóða.

Ég er kerfisfræðingur að mennt og starfa við hugbúnaðar-
prófanir hjá fyrirtækinu Calidris. Áður lærði ég lífefna- og lífupplýsingafræði og starfaði við vísindarannsóknir.

Ég kynntist Rope yoga hjá Guðna Gunnarssyni frumkvöðli Rope yoga seinnipart árs 2004 og útskrifaðist sem Rope yoga kennari haustið 2005.  Ég lauk námskeiði í Lífsráðgjafanum hjá Guðna haustið 2006.

Ég er lærð jóga kennari frá Yoga Vidya í Þýskalandi. Í Yoga Vidya er kennt klassískt jóga, þróað af Swami Sivananda og lærisvein hans Swami Vishnu-devananda.

Ég hef stundað hugleiðslu í all nokkur ár og hef um árabil haft áhuga á heildrænum lækningum.  Ég er á lokasprettinum að ljúka námi í höfuðbeina- og spjaldhryggsjöfnun og Bowentækni.